السلام عليكم و رحمة الله و بركاته
في كثير أسئلة ما الها داعي أو لازم لما تنسأل و احنا كل يوم بنتعرضلها و منها :
انت فيغرفتك ..نايم في سريرك ومتغطى.. وطافي الضو يجي حد يفتح عليك الباب من العائله الكريمه ويقولك... انتي بدك تنام و لا شو ؟؟
اظن هذا مش وضع رقص!! واضح طبعا اني بدي أنام
مثلا خارج من غرفتك في امان الله و رايح تعمل اي حاجة ييجي حد من افراد الاسرة اللذيذة يقوللك شو هذا انت صاحي؟
لا يا حبيبي بمشي و انا نايم
انتم معزومين عند ناس وأول ما وصلتوا عندهم وفتحلكوا الباب تلاقى ابنهم الصغير بيقول... شو انتوا جيتوا؟؟؟
لا لسه يا عنيا احنا بدنا نروح
انت لابس أواعيك ومتأنتك وريحة عطرك جايبه لآخر الحارة اللي جنبكوا وبتفتح باب البيت وخلص بدك تنزل ...تسمع حد من اهلك يقولك... انتي طالع ولا شو؟؟؟
لا ابداً بجرب الباب بس
او مثلا انت ركبت سيارتك ودورتها وخلص ماشي تلاقي حدا من أهلك جاي يخبطلك عالأزاز!! انت بكل زوق تفتح تقوله شو في ؟؟
يقولك انت طالع بالسيارة يا بيك ؟؟!!
لا اشتقت للسيارة شوي
مثلا ماسك سماعة التليفون وبتضرب رقم يجي حد من اهلك يقولك.... انت بدك تحكي في التليفون؟؟؟
لا بسمع صوت الحراره
ربنا هاديك وماسك الكتاب وقاعد بتحفظ وبتدرس ومتحمس كثير ... تلاقي حد جاي يقولك..ها.. انت بتدرس ؟؟
تروح رامي الكتاب في وجههو تقوله لأ بس معجب في شكل أهله
ــــــــــــــــــــــــــــــــــــــــــــــــــــــــــــــــــــ
هههههههههههههههههههههههه
ان شاء الله تكونوا ضحكتوا شوي
( أطيب المنى )
موضوع: أسئلة ملهاش لازمة (الكل يدخل) 
الجمعة يوليو 25, 2008 1:37 pm
